تحدثت الفنانة لبلبة عن طفولتها والتي أعطتها في سبيل الفن، وذلك خلال حلولها ضيفة على برنامج Abtalks والذي يقدمه الإعلامي أنس بوخش ويذاع على قناته الرسمية بموقع الفيديوهات الشهير يوتيوب.

لبلبة: الفترة دي أحلى فترة في حياتي 

وقالت لبلبة في بداية لقاءها مع أنس بوخش والذي رصده موقع تحيا مصر، بإن الفترة التي تعيشها الان هي أفضل فترات حياتها، موضحة:  الفترة دي أحلى فترة في حياتي لأني أصبحت أكثر نضجا وبقيت أحس بطعم كل حاجة حوليا الماية والأكل حتى الأدوار ومش كل اللي بيتعرض عليا بقبله.

وأضافت لبلبة: أنا اديت عمري كله للفن وأتمنى أما يجيلي أدوار تكون فيها حاجة يستفيد بيها الجيل اللي جاي.

لبلبة: مكنتش زي الاطفال التانين كان يومي مليان ومفيش وقت للعب 

وتطرقت لبلبة بحديثها عن طفولتها، قائلة: مكنتش زي الاطفال التانين كانوا بيلعبوا في الشارع وماما تقولي خشي نامي عندك حفلات الصبح وقتي كان مليان مفيش وقت للعب كنت بتضغط جدا، في مرة روحت حفلة عيد ميلاد بنت انتي أغنية وأما دخلت لقيتها لابسة جزمة عجبتني جدا فقولت لماما عايزة زيها، قالتلي احنا مستوانا مش زيهم انتي بتشتغلي عشان اخواتك يروحوا المدرسة ويتعلموا نعدي الأزمة دي فاتعلمت اني عمري ما أبص لحد ولا استفيد بأي حاجة لوحدي.

وأكدت لبلبة: في حاجات فاتتني مش هعرف أرجعها وساعات بعمل دلوقتي الحاجات اللي اتحرمت اني اعملها نفسي أشيل الطفولة اللي جوايا دي أشيلها واحطها على جنب.

لبلبة في فيلم آل شنب 

يذكر، أن لبلبة تألقت في فيلم آل شنب إلى جانب كلا دم النجوم ليلى علوي ،سوسن بدر، أسماء جلال، محمود البزاوي، خالد سرحان وغيرهم عدد من نجوم الفن وضيوف الشرف، وفيلم آل شنب من إخراج أيتن أمين وهي إحدى مخرجات مسلسل سابع جار الذي حقق نجاح مستمر معه حتى الآن.

وتدور أحداثه في إطار عائلي اجتماعي كوميدي، حول ليلى التي تعاني من سيطرة والدتها وبعد وفاة أحد أفراد العائلة تضطر ليلى السفر مع والدتها وتتقابل العائلة بعد فترة طويلة من الغياب وتتوالى الأحداث في هذا الإطار، وتقابلهم العديد من المواقف الكوميدية الطريفة.