نشر المطرب رامى صبرى صورة له من ترتيب إحدى منصات استماع الموسيقى عبر حسابه الشخصى بموقع إنستجرام، والتى ظهر فيها ترتيبه فى المركز الثانى بعد الهضبة عمرو دياب، وقبل النجم تامر حسنى، وكتب "رامى صبرى رقم 2 فى الـArabic Artists Top وTop Egyptian Pop Artists".

بوست رامى صبرى

وكان قد انتقد مطرب الراب ويجز، تصريحات المطرب رامي صبري بعد ظهوره في أحد البرامج التليفزيونية، والتي رد فيها على سؤال من المذيعة عن رأيه فى أغانى المهرجانات والراب، ليرد المطرب بشكل ساخر على أغاني المهرجانات ويصف أغاني الراب وبالتحديد أغاني "ويجز" بأنه مش بيفهم كلماتها، قائلاً "أنا مش بفهم كلامه ولحد دلوقتي مش بفهم، والشباب دي ناجحة من أول ما نزلوا، ولازم الناس تسمع أجيال تانية من الموسيقى".

وسرعان ما حرص مطرب الراب "ويجز"، على الخروج في ستوري عبر حسابه بموقع إنستجرام، ليرد على رامي صبري، وقال: "هتكلم عن فنان فاكر إن عنده صلاحية يتكلم على أي حد والناس تسمع وتسكت، الفنان دا اسمه رامي، رامي كل ما يقعد 4 أو 5 شهور يزهق يطلع يتكلم على بتوع الراب والهيب هوب، هتتكلم إمتي على فنك ومجالك وبتوع البوب اللى أنت منهم؟"

وأضاف ويجز في الفيديو: "أنت ما تفهمش في الراب حاجة زي ما قولت قبل كدا، فمش هتعرف تعمله، لو لقيت واحد بيعرف يسوق عجلة وأنا مش بعرف فهحترمه، لو حد بيعمل حاجة وأنا مش بعرف أعملها هحترمه، أنت مش بتقدر الفنانين دول، أنت شايفهم إنهم عاوزين يوصلوا في ليفل أنت فيه، في حين أنهم معدينك، انت مش رقم 2 يا رامي، أنت رقم 19، بعيد أوي بجد".