تحدث الإعلامي محمود سعد عن الفنان الراحل نبيل الحلفاوي، مستعيدا آخر لقاء لهما معا، ومتحدثا عن الامنيات الذي تمناها قبل الرحيل وكيف كان محب لأسرته وسند وعون لهم، مؤكدا أنه لولاه ما كان دخل مجال الإعلام ولا ظهر في التليفزيون من الأساس فهو له الفضل الكبير على كل معارفه.

محمود سعد عن نبيل الحلفاوي: آخر مرة شوفته كان عضم

وقال محمود سعد في فيديو رصده موقع تحيا مصر عبر حسابه الرسمي بموقع التواصل الاجتماعي فيسبوك: آخر مرة شوفت محمود سعد فيها كان عضم وكانت في جنازة صلاح السعدني وقعدت أقوله انت خسيت كدة ليه قالي الحمدلله أنا باكل متقلقش وسلمنا على بعض ومشينا.

وتابع محمود سعد حديثه قائلا: أما قبلت ابنه خالد الكبير وبتكلم معاه وقت دخول نبيل الحلفاوي المستشفى قالي أما قابلت أبويا بعد ما مشيت قالي خلوا بالكم من محمود هو ده اللي هيبقى جنبكم وهيخلصلكم كل حاجة لو احتاجتوا حاجة.

محمود سعد: نبيل الحلفاوي ليه الفضل في ظهوري على التليفزيون 

وأكد محمود سعد على دور نبيل الحلفاوي الكبير في حياة كل من يعرفه، موضحا: أنا لولاه ولولا مساندته مكنتش دخلت مجال الإعلام ده ولا ظهرت ف التلفزيون هو ليه فضل كبير عليا جدا، نبيل الحلفاوي ترك أثر كبير في حياة كل اللي عرفوه ومات في هدوء والتكريم اللي هو طلبه من ربنا.

وتطرق بحديثه عن آخر أيامه، قائلا: كان عامل خريطة للمدفن بتاعه وأما كنت بقوله انزل يقولي دي موالد مش شوارع انزل فين.. وبعدين انزل وأسيب مراتي ازاي أنا لازم أسندها.. هو كان حنين جدا.

محمود سعد: نبيل الحلفاوي مكنش في غيبوبة 

وأوضح محمود سعد في حديثه عن نبيل الحلفاوي، أنه لم يدخل في غيبوبة قبل وفاته: هو كان كأنه نايم عادي واللي يكلمه كان بيرمشله بعينه.

جدير بالذكر، أنه رحل نبيل الحلفاوي عن عالمنا في مساء أمس الأحد بعد تعرضه لوعكة صحية مفاجئة نقل على إثرها إلى المستشفى ثلاث أيام دخل فيهم إلى العناية المركزة نتيجة إصابته بهبوط في الدورة الدموية وضيف تنفس بسبب مشكلات في الصدر، ليتوفى عن عمر ناهز 77 عاما، تاركا حزن كبير في قلوب الوسط الفني ومحبيه من الجمهور في الوسط الفني.